Մի շարք գրանդ ակումբներ հետաքրքրված են Խվիչա Կվարացխելիայի ծառայություններով

«Նապոլիի» վինգեր Խվիչա Կվարացխելիայի վառ մրցելույթները չի վրիպել գրանդ ակումբների ուշադրությունից։

Ինչպես տեղեկացնում է ինսայդեր Նիկոլո Սկիրան, վրացի ֆուտբոլիստի ծառայություններով սկսել են հետաքրքրվել «Ռեալ Մադրիդը», «Լիվերպուլը», «Տոտենհեմը», «Չելսին» ու «Մանչեսթեր Սիթին»։

Աղբյուրի փոխանցմամբ` անցնող շաբաթվա ընթացքում այդ ակումբների սկաուտները ներկա են եղել «Նապոլիի» մասնակցությամբ հանդիպումներին և հետևել 21-ամյա ֆուտբոլիստի խաղին։

Նշվում է, որ «Նապոլին» դեռևս չի պատրաստվում վաճառել Խվիչային և նրան համարում է անձեռնմխելի ու առանցքային ֆուտբոլիստ։

Հավելենք, որ Խվիչա Կվարացխելիան 2022 թ. ամռանն է 10 մլն եվրոյի դիմաց «Դինամո Բաթումիից» տեղափոխվել «Նապոլի», որի կազմում ընթացիկ մրցաշրջանում բոլոր մրցաշարերի շրջանակում անցկացրած 17 խաղում դարձել է 8 գոլի և 10 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am