Մի շարք անվանի ֆուտբոլիստներ ներկա են եղել Մինո Ռայոլայի հուղարկավորությանը

Մայիսի 5-ին Մոնտե Կարլոյում տեղի է ունեցել իտալացի նախկին գործակալ Մինո Ռայոլայի հուղարկավորության արարողությունը։

Ինչպես տեղեկացնում է La Gazzetta dello Sport-ը, Ռայոլայի հրաժեշտի արարողությունը կայացել է փակ պայմաններում, որին ներկա են եղել նրա ընտանիքի անդամները, հարզատներն ու մի շարք ֆուտբոլիստներ։

Աղբյուրի փոխանցմամբ` հուղարկավորությանը ներկա են եղել այնպիսի ֆուտբոլիստներ, ինչպիսիք են Զլատան Իբրահիմովիչը («Միլան»), Ջանլուիջի Դոնարուման (ՊՍԺ), Մաթիաս դե Լիխտը («Յուվենտուս»), Էրլինգ Հալանդը («Բորուսիա Դորտմունդ») և Մարկո Վերատին (ՊՍԺ)։

Հավելենք, որ այս բոլոր ֆուտբոլիստների գործակալը եղել է հենց Մինո Ռայոլան։

Հիշեցնենք, որ իտալացի նախկին գործակալը 54 տարեկան հասակում մահացել է սույն թվականի ապրիլի 30-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am