Միրալեմ Պյանիչը միացել է Բարսելոնային📷
11/09/2020 - 10:53
Ինչպես տեղեկացնում է «Բարսելոնայի» պաշտոնական կայքը, ակումբի նորեկ Միրալեմ Պյանիչը, ով վերջերս վարակվել էր կորոնավիրուսով, ապաքինվել է և սեպտեմբերի 11-ին՝ ուշ երեկոյան, ժամանել է Բարսելոնա և միացել նոր ակուբին։
Ֆուտբոլիստն այսօր միանալու է «բլաուգրանասի» մարզումային խմբին։
Հիշեցնենք, որ Միրալեմ Պյանիչն ընթացիկ ամառային տրանսֆերային պատուհանի ընթացքում է համալրել «Բարսայի» շարքերը։ Կատալոնական ակումբը «Յուվենտուսին» խաղացողի դիմաց 60 մլն եվրո է վճարել, իսկ թուրինյան ակումբի ճամբար է տեղափովել բրազիլացի ֆուտբոլիստ Արթուրը․ այդ գործարքն էլ արժեցել է 72 մլն եվրո։