«Մինչև հիմա չգիտեմ` ինչու այդպես եղավ». Լևանդովսկին` «Ոսկե գնդակ-2020»-ի չեղարկման մասին
13/08/2025 - 13:23
«Բարսելոնայի» հարձակվող Ռոբերտ Լևանդովսկին կարծում է, որ 2020 թվականին կարող էր դառնալ «Ոսկե գնդակի» դափնեկիր։
«Դա իմ կարիերայի լավագույն շրջանն էր։ Ակումբի հետ ամեն ինչ հաղթել էի։ Մինչև հիմա չգիտեմ` ինչու այդպես եղավ։ Ամենդաժվարը հենց դա հասկանալն է»,- նշել է լեհ ֆուտբոլիստը, որի խոսքը մեջբերում է BBC-ն։
«Ոսկե գնդակի» մրցանակաբաշխությունը France Football պարբերականը 2020 թվականին կորոնավիրուսի համաճարակի պատճառով չեղարկեց։
2020 թ. Լևանդովսկին «Բավարիայի» հետ թրեբլ էր գրանցել` դառնալով Գերմանիայի չեմպիոն ու երկրի գավաթակիր, նվաճելով Չեմպիոնների լիգայի գավաթը։ Նա 2019/20 մրցաշրջանում 47 խաղում 55 գոլ էր խփել, կատարել 10 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Ballon d'Or, Բավարիա, Բարսելոնա, կորոնավիրուս, Ոսկե-գնդակ, Ռոբերտ-Լևանդովսկի