«Միլանը» 15 միլիոն է առաջարկել «Ման. Սիթիին»
31/08/2025 - 12:32
«Միլանը» ցանկանում է ձեռք բերել «Մանչեսթեր Սիթիի» պաշտպան Մանուել Ականջիին, հայտնում է ինսայդեր Ֆաբրիցիո Ռոմանոն։
«Ռոսոներին» «քաղաքաբնակներին» բանավոր առաջարկ է արել և պատրաստ է շվեյցարացի ֆուտբոլիստի տեղափոխության համար վճարել 15 միլիոն եվրո։ Գործարքում նաև պարգևավճարներ կներառվեն։
Ակումբների միջև բանակցություններում խնդիր չի լինի. մանկունիական գրանդը չի խոչընդոտի 30-ամյա պաշտպանի հեռանալուն։
«Միլանը» նաև Ականջիի հետ է բանակցում` քննարկելով անձնական պայմանագրի կետերը։ Նրան իր կազմում ցանկանում է տեսնել նաև «Տոտենհեմը»։
Շվեյցարացին «Սիթի» է տեղափոխվել 2022թ. սեպտեմբերի 1-ին, 136 խաղում 5 գոլ է խփել, կատարել 3 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Մանուել Ականջի, Մանչեսթեր-Սիթի, Միլան, Տոտենհեմ, տրանսֆերներ, Ֆաբրիցո Ռոմանո