Միլանը բանակցություններ է վարել` Չելսիի կիսապաշտպանին ձեռք բերելու համար

«Չելսիի» կիսապաշտպան Հակիմ Զիեշը, ամենայն հավանականությամբ, ամառային տրանսֆերային պատուհանի ժամանակ կհեռանա ակումբից։

Ինչպես հայտնում է ինսայդեր Ֆաբրիցիո Ռոմանոն, մարոկկացի ֆուտբոլիստի ծառայություններով լրջորեն հետաքրքրված է «Միլանը»։

Աղբյուրի փոխանցմամբ` «ռոսոներիներն» արդեն բանակցություններ են վարել 29-ամյա կիսապաշպտանի գործակալի հետ` քննարկելով հավանական գործարքի մանրամասները։

Ինքը` Զիեշը, նույնպես մտադիր է փոխել ակումբային գրանցումը, քանի որ գործնականում կորցրել է տեղը «Չելսիի» մեկնարկային կազմում։

Հատկանշական է, որ «ազնվականները» նույնպես պատրաստ են բաժանվել մարոկկացի ֆուտբոլիստից, եթե նրա տրանսֆերի վերաբերյալ ստանան շահավետ առաջարկ։

Նշվում է, որ «Միլանն» արդեն տևական ժամանակ է հետևում է Զիեշին խաղին և հարմար առիթ էր փնտրում` նրան գնելու համար։

Հավելենք, որ Հակիմ Զիեշը «Չելսիի» շարքերը համալրել է 2020 թ. հուլիսին, որի կազմում մինչ օրս անցկացրել է 83 հանդիպում` դառնալով 14 գոլի և 10 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am