Մեստալիայի տերը «չղջիկներն» էին. Ռեալը պարտվեց Վալենսիային ?

Իսպանական Լա լիգայի 30-րդ տուրի կենտրոնական խաղում «Վալենսիան» հյուրընկալել էր «Ռեալին»: «Մեստալիա» ստադիոնում կայացած խաղում տանտերերը հաղթեցին 2:1 հաշվով:

Հանդիպման 35-րդ րոպեին Գեդեշը բացել է հաշիվը: 83-րդ րոպեին Էզեկել Գարայը կրկնապատկել է հաշիվը: Ավելացված ժամանակի վերջում Կարիմ Բենզեման կրճատել է հաշվի տարբերությունը:

Զիդանի վերադարձից հետո «արքայական» թիմը կրում է առաջին պարտությունը և 57 միավորով շարունակում 3-րդ հորիզոնականը զբաղեցնել, «չղջիկները» 46 միավորով բարձրանում են 5-րդ հորիզոնական: