Մեսսի. «Բացի Բարսայից հեռանալուց` այլ տարբերակ չունեի»

ՊՍԺ-ի հարձակվող Լեո Մեսսին կրկին խոսել է «Բարսելոնայից» հեռանալու մասին.

«Վայելելով մարզչի տրամադրած մի քանի օր արձակուրդը` ես Բարսելոնա վերադարձա պայմանագրի երկարաձգման և անհապահաղ մարզումներին վերադառնալու գաղափարով։

Ես և ընտանիքս կարծում էինք, թե ամեն ինչ արված է, չէր հերիքում միայն ստորագրությունը, սակայն երբ ես գնացի Բարսելոնա, նրանք ինձ ասացին, որ հնարավորություններ և ռեսուրսներ չունեն պայմանագիրը թարմացնելու համար։

Այդքան տարիներ ակումբում անցկացնելուց հետո ցավոտ էր լքել «Բարսելոնան»։ Իմ նպատակն էր այնտեղ ավարտել կարիերաս և ծայրահեղ դժվար էր ընդունել, որ պետք է հեռանամ։

Բացի «Բարսայից» հեռանալուց` այլ տարբերակ չունեի»,- նշել է 34-ամյա ֆուտբոլիստը, ում խոսքերը մեջբերում է France Football-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am