Մեսսին պայման է դրել Բարսելոնայի առջև, որի չկատարման դեպքում կլքի ակումբը

«Բարսելոնայի» ավագ Լեո Մեսսին կլքի ակումբը, եթե «կապտանռնագույնները» չվերադարձնեն ՊՍԺ-ի հարձակվող Նեյմարին։

Արգենտինացի հարձակվողը պայմանագիրն ակումբի հետ ավարտվում է 2021 թվականի, սակայն նրա պայմանագրում կա կետ, ըստ որի, արգենտինացին կարող է պայմանագիրն այս ամառ խզել ակումբի հետ և անվճար հեռանալ։

Ինչպես տեղեկացնում է El Confidencial-ը, Մեսսին ակումբում կմնա միայն մեկ պայմանով, եթե կատալոնական ակումբի ղեկավարները հետ գնեն նախկին խաղընկերոջ տրանսֆերը։

Ավելի վաղ հաղորդվում էր, որ փարիզյան ակումբը պատրաստ է բրազիլացու արժեքը նվազեցնել մինչև 150 մլն եվրո և վաճառել «Բարսելոնային»։