Մեսսին չեն ծրագրում «Սուպեր Ոսկե գնդակ» շնորհել

Ինչպես տեղեկացնում է Marca-ն, France Football պարբերականը չի ծրագրում Լեո Մեսսիին շնորհել «Սուպեր Ոսկե գնդակ»։

Աղբյուրի փոխանցմամբ` արգենտինացի հարձակվողին այդ մրցանակը շնորհելու հավանականությունը բավական քիչ է։

Նշենք, որ «Սուպեր Ոսկե գնդակը» հատուկ մրցանակ է, որի միակ դափնեկիրը «Ռեալ Մադրիդի» լեգենդար նախկին հարձակվող Ալֆրեդո Դի Ստեֆանոն է` որպես վերջին երեսնամյակի լավագույն ֆուտբոլիստ։

Դի Ստեֆանոյին այդ մրցանակը շնորհվել է 1989 թ. դեկտեմբերի 24-ին, որը նա ստացել է կարիերայի ավարտից 23 տարի անց։

Այդ ժամանակ քվեարկության արդյունքում երկրորդ և երրորդ հորիզոնականները զբաղեցրել են համապատասխանաբար Յոհան Կրոյֆն ու Միշել Պլատինին։

Հավելենք, որ մրցանակի հավակնորդների ցանկում եղել են նաև Ֆրանց Բեկենբաուերը, Կարլ-Հայնց Ռումենիգեն և Քևին Քիգանը։

Հիշեցնենք, որ հոկտեմբերի 30-ին Փարիզի Շատլե թատրոնում կայացած ամենամյա մրցանակաբաշխության ժամանակ Լեո Մեսսին 8-րդ անգամ դարձավ «Ոսկե գնդակի» դափնեկիր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am