Մեսսին հակառեկորդ է գրանցել

Իսպանական Լա լիգայի 27-րդ տուրի կենտրոնական հանդիպման շրջանակում «Բարսելոնան» սեփական հարկի տակ 1։0 հաշվով հաղթեց «Ռեալ Սոսիեդադին»։

Հանդիպման 42-րդ րոպեին կատալոնական ակումբի ավագ Լեո Մեսսին կոպիտ խաղի համար զգուշացվեց դեղին քարտով։ Այդ դեղին քարտը վերջին երեք խաղերում դարձել է Մեսսիի երրորդ անընդմեջ զգուշացումը, ինչը անձնական հակառեկորդ է։ Մեսսին զգուշացվել է Չեմպիոնների լիգայի «Նապոլիի», Լա լիգայի շրջանակում կայացած «Ռեալի», ինչպես նաև երեկ՝ մարտի 7-ին, կայացած «Ռեալ Սոսիեդադի» դեմ խաղերում։