Մեսսիի հերթական ռեկորդները

Չեմպիոնների լիգայի 3-րդ տուրի շրջանակներում Պրահայի «Սլավիան» ընդունել էր կատալոնական «Բարսելոնային»։ Հանդիպումն ավարտվեց կապտանռնագույնների հաղթանակով՝ 1։2 հաշվով։

Հանդիպման հաշիվը 3-րդ րոպեին բացեց Լեո Մեսսին՝ եզրափակելով Արթուրի փոխանցումը։ Մեսսին այս գոլով միանգամից երկու ռեկորդ գրանցեց։

Նախ նա կրկնեց Ռաուլի և Կրիշտիանու Ռոնալդուի ռեկորդը՝ Չեմպիոնների լիգայի շրջանակներում գրավելով 33 տարբեր թիմերի դարպասը։ Մեսսին նաև դարձավ առաջին ֆուտբոլիստն, ով ՉԼ 15 մրցաշրջան անընդմեջ գոլի հեղինակ է դառնում։