Մեսսիի հերթական բենեֆիսը. Ինտեր Մայամին հաղթեց Օրլանդո Սիթիին🎥

Հյուսիսային Ամերիկայի Լիգայի գավաթի 1/16 եզրափակիչում «Ինտեր Մայամին» մրցեց «Օրլանդո Սիթիի» դեմ` հաղթելով 3:1 հաշվով։

«Ինտեր Մայամիի» կազմից կրկին փայլեց թիմի նորեկ Լեո Մեսսին` դառնալով դուբլի հեղինակ։

Նշենք, որ արգենտինացի ֆուտբոլիստը նոր ակումբի կազմում անցկացրած 3 խաղում խփել է արդեն 5 գոլ։

Խերարդո Մարտինոյի թիմից մեկ անգամ էլ աչքի ընկավ Ջոզեֆ Մարտինեսը։

«Օրլանդոյի» միակ գոլն էլ գրանցվեց Սեսար Արաուխոյի անվան դիմաց։

Այսպիսով, «Ինտեր Մայամին» պայքարը կշարունակի Լիգայի գավաթի 1/8 եզրափակիչում և օգոստոսի 7-ին կմրցի «Դալասի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am