Մեսին հավաքականների մակարդակով խփած գոլերի քանակով բարձրացել է երկրորդ տեղ

Լիոնել Մեսին աշխարհի 2026 թ. առաջնության Հարավային Ամերիկայի գոտու որակավորման փուլի 10-րդ տուրում Արգենտինայի հավաքականի կազմում դարձել է հեթ-տրիկի հեղինակ և օգնել իր թիմին 6:0 հաշվով հաղթել Բոլիվիային։

37-ամյա հարձակվողը հավաքականում խփած գոլերի քանակը հասցրել է 112-ի։ Նա հավաքականների մակարդակով դարձել է պատմության երկրորդ լավագույն ռմբարկուն։

«Ոսկե գնդակի» 8-ակի դափնեկիրն այդ ցուցանիշով շրջանցել է Իրանի ազգային հավաքականի նախկին ռմբարկու Ալի Դայեիին։ Վերջինս հավաքականի կազմում մրցակիցների դարպասը գրավել է 110 անգամ։

Հավաքականների մակարդակով լավագույն ռմբարկուն Կրիշտիանու Ռոնալդուն է, որը Պորտուգալիայի ազգային թիմում դարձել է 133 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից