Մեսիի փարզիյան երաշտը շարունակվում է. ՊՍԺ-ն մեծ դժվարությամբ հաղթեց Լիոնին🎥

Մեսիի փարզիյան երաշտը շարունակվում է. ՊՍԺ-ն մեծ դժվարությամբ հաղթեց Լիոնին🎥

20/09/2021 - 00:45

Ֆրանսիանակ Լիգա 1-ի 6-րդ տուրի կենտրոնական հանդիպման շրջանակում առաջնության առաջատար ՊՍԺ-ն սեփական հարկի տակ մրցեց «Լիոնի» դեմ։

Հանդիպման առաջին կեսում, ճիշտ է, ավելի շատ հարվածում էին «Լիոնի» ֆուտբոլիստները (8 հարված, 4-ը դիպուկ), սակայն «Փարիզի» գրոհներն ու գոլային պահերն ավելի վտանգավոր էին։

Հատկապես հիշատկման է արժանի 37-րդ րոպեին Լեո Մեսսիի իրացրած տուգանայի հարվածը, ինչից հետո գնդակը դիպավ դարպասաձողին։

Ամեն դեպքում, առաջին կեսում գոլեր չտեսանք։

Երկրորդ կեսը բավական անսպասելի մեկնարկեց, քանի որ Պետեր Բոսի սաները 54-րդ րոպեինց նետվեցին համագրոհի և Լուկաս Պակետայի ջանքերով բացեցին խաղի հաշիվը։

«Լիոնի» ֆուտբոլիստների ուրախությունը կարճ տևեց, քանի որ 64-րդ րոպեին Մալո Գուստոն սեփական տուգանային հրապարակում կանոնների խախտում թույլ տվեց Նեյմարի նկատմամբ, ինչից հետո հանդիպման գկլավոր մրցավար Կլեման Տյուրպենը 11-մետրանոց նշանակեց հյուրերի դարպասին, որն անվրեպ իրացրեց Նեյմարը։

Խփած գոլից հետո էլ Մաուրիսիո Պոչետինոյի սաներն ունեին առավելություն, սակայն միայն 90+2-րդ րոպեին հաջողվեց կորզել հաղթանակ, իսկ գոլն իր անվան դիմաց գրանցեց Մաուրո Իկարդին։

Հավելենք, որ ՊՍԺ-ի կազմում հանդիպմանը մասնակցեց նաև Լեո Մեսսին, ով փոխարինվեց 76-րդ րոպեին։

Արգենտինացի ֆուտբոլիստը փարիզյան ակումբի շարքերը համալրելուց հետո անցկացրած 3 խաղում դեռևս գոլի հեղինակ չի դարձել։

Այսպիսով, ՊՍԺ-ն 2:1 հաշվով հաղթեց «Լիոնին», վաստակեց 18 միավոր և վստահորեն գլխավորում է մրցաշարային աղյուսակը։

«Լիոնը» 8 միավորով 9-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023