Մեսիի հերթական ֆանտաստիկ բենեֆիսը. Ինտեր Մայամին խոշոր հաշվով հաղթանակ տարավ 🎥

ՄԼՍ-ի կանոնավոր առաջնության հերթական խաղում «Ինտեր Մայամին» հյուրընկալվելիս մրեց «Նյու Ինգլանդ Ռևոլուշնի» դեմ։

Չնայած «Ինտեր Մայամին» գնդակ բաց թողեց արդեն 1-ին րոպեին, Խերարդո Մարտինոյի թիմը, Լեո Մեսիի գլխավորությամբ, փայլուն հանդիպում անցկացրեց և հաղթեց 4:1 հաշվով։

Մեսին հերթական տպավորիչ հանդիպումն անցրացեց և դարձավ դուբլի ու մեկ գոլային փոխանցման հեղինակ։ 37-ամյա արգենտինացին ՄԼՍ-ի ընթացիկ մրցաշրջանում 7 խաղում խփել է 9 գոլ և կատարել 8 գոլային փոխանցում։ Նա կանոնավոր առաջնության լավագույն ռմբարկուն և լավագույն ասիստենտն է։

«Ինտեր Մայամիի» կազմից մեկ գոլ էլ խփեցին Լուիս Սուարեսն ու Բենջամին Կրեմասկին։

«Նյու Ինգլանդ Ռևոլուշնից» աչքի ընկավ Տոմաս Չանկալայը։

Այս հաղթանակից հետո «Ինտեր Մայամին» վաստակեց 21 միավոր և գլխավորում է Արևելյան կոնֆերենցիայի մրցաշարային աղյուսակը։ «Նյու Ինգլանդ Ռևոլուշնը», 4 միավորով, նույն գոտում վերջինն է` 15-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am