Մեսիի գլխով խփած գոլն օգնել է «Ինտեր Մայամիին» հաղթել ընկերական խաղում 🎥
ՄԼՍ-ը ներկայացնող «Ինտեր Մայամին» սկսել է միջմրցաշրջանային հատվածն ու առաջին ընկերական խաղում մրցել է մեքսիկական «Ամերիկայի» դեմ։
Հանդիպման հիմնական ժամանակում հաղթող չեղավ. կողմերը փոխանակվեցին երկուական գնդակով։
«Ամերիկայից» 31-րդ րոպեին հաշիվը բացեց Հենրի Մարտինը, որին «Ինտեր Մայամին» 34-րդ րոպեին պատասխանեց «Ոսկե գնդակի» 8-ակի դափնեկիր Լիոնել Մեսիի գլխով խփած դիպուկ հարվածով։
53-րդ րոպեին Իսրայել Ֆերնանդեսը կրկին առաջ մղեց «Ամերիկային», սակայն 90+2-րդ րոպեին ամերիկյան թիմը փրկվեց պարտությունից. աչքի ընկավ Թոմաս Ավիլեսը։
Հանդիպման կանոնադրության համաձայն` կողմերը հաղթողին պարզելու համար իրացրին հետխաղյա 11-մետրանոցներ. «Ինտեր Մայամին» հաղթեց 3-2 հաշվով։
Նշենք, որ Խավիեր Մասկերանոյի գլխավորած թիմը հաջորդ հանդիպումն անցկացնելու է հունվարի 30-ին պերուական «Ունիվերսիտարոյի» դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Ամերիկա, ընկերական-հանդիպումներ, Ինտեր-Մայամի, Լեո Մեսսի, Խավիեր ՄասկերանոDream debut! ⚽️💥 Santiago Morales, our homegrown talent, scores the winning goal in his FIRST match with the Senior Team! 💗🖤 pic.twitter.com/RD5pQRIsN4
— Inter Miami CF (@InterMiamiCF) January 19, 2025