Մելիքյան. «Կփորձեմ Մխիթարյանին վերադարձնել հավաքական»

Հայաստանի հավաքականի գլխավոր մարզիչ Եղիշե Մելիքյանը Հանրային հեռուստատեսության «Հարցազրույց Պետրոս Ղազարայանի հետ» հաղորդաշարի հերթական թողարկման ժամանակ հայտարարել է, որ Հենրիխ Մխիթարյանին փորձելու է վերադարձնել ազգային թիմ.

«Մխիթարյանի հետ հաճախ շփվում եմ, այսօր էլ եմ խոսել, բայց չեմ կարող ասել` ինչ, բայց հույսով եմ խոսում։ Ինձ թվում է, որ ես անպայման պետք է մեկնեմ Իտալիա` նրա հետ խոսելու։ Առայժմ իր կարծիքը չգիտեմ։ Մենք կընթրենք, կխոսենք։ Անպայման կփորձեմ նրան վերադարձնել հավաքական»,- ասել է Մելիքյանը։

Մխիթարյանը Հայաստանի հավաքականում հանդես է եկել 2007-2021թթ., 95 խաղում խփել է 32 գոլ ու կատարել 25 ասիստ։ Նա հավաքականի պատմության մեջ գլխավոր ռմբարկուն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am