Մբապեն կրկին վրիպեց 11-մետրանոցից. Ռեալը պարտվեց Ատլետիկին 🎥

Իսպանական Լա լիգայի 19-րդ տուրում Մադրիդի «Ռեալը» հյուրընկալվելիս մրցեց Բիլբաոյի «Ատլետիկի» դեմ։

Համառ պայքարում բասկյան ակումբը կարողացավ հաղթել 2:1 հաշվով։

Տանտերերից հաշիվը 53-րդ րոպեին բացեց Ալեքս Բերենգերը, որին «արքայական» ակումբը 78-րդ րոպեին պատասխանեց Ջուդ Բելինգեմի դիպում հարվծաով, սակայն 80-րդ րոպեին Էռնեստո Վալվերդեի գլխավորած թիմը Գորկա Գուրուսետայի խփած գոլի շնորհիվ հաղթանակ կորզեց։

Նշենք, որ «Ռեալի» կազմից կրկին 11-մետրանոցից վրիպեց Կիլիան Մբապեն. 68-րդ րոպեին նրա հարվածը հետ մղեց դարպասապահ Խուլիեն Ագիրեսաբալան։ Ֆրանսիացի հարձակվողը նշակետից չէր կարողացել աչքի ընկնել նաև Չեմպիոնների լիգայի հիմնական փուլի 5-րդ տուրի «Լիվերպուլի» դեմ խաղում (0-2)։

«Ռեալը» պարտությունից հետո մնաց 33 միավորով և երկրորդ տեղում է։ «Ատլետիկը» 29 միավորով չորրորդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից