Մարսելո. Բոլորը գիտեն, թե ես ինչ երջանիկ եմ, երբ հագնում եմ Ռեալի մարզաշապիկը

«Ռեալի» պաշտպան Մարսելոն Իսպանիայի առաջնության 33-րդ տուրի «Աթլետիկի» դեմ հանդիպումից հետո կիսվել է իր տպավորություններով:

«Պատրաստվում եմ ես հեռանալ թիմի՞ց: Ինձ պետք չէ ասել իմ ապագայի մասին, որովհետև բոլորը գիտեն, թե ես ինչ երջանիկ եմ, երբ հագնում եմ այս մարզաշապիկը:

«Ռեալն» իմ տունն է: Դուք պետք է քրտնեք այս մարզաշապիկի համար և պահեք այս տարբերանշանը աշխարհի գագաթին: Ես երբեք չեմ դադարել աջակցել իմ թիմակիցներին, նույնիսկ երբ չէի խաղում:

Բենզեմա՞ն: Մենք բոլորս գիտենք, թե ինչ որակներ ունի Կարիմը և ինչ է անում նա մեր թիմի համար: Նա մեր առաջատարներից մեկն է: Ես շատ ուրախ եմ նրա խփած գոլերի համար, բայց Բենզեման ավելի շատ կուրախանա հաղթանակի համար, որը մեզ պետք էր, ոչ թե գոլերի:»,- Մարսելոի խոսքերն է մեջբերում BeIN Sports-ը: