Մարիո Բալոտելին շուտով նոր ակումբ կունենա

Մարիո Բալոտելին շուտով նոր ակումբ կունենա

31/08/2022 - 11:09

Թուրքական «Ադանա Դեմիրսպորի» հարձակվող Մարիո Բալոտելին, ամենայն հավանականությամբ, կարկերան կշարունակի Շվեյցարիայի Սուպերլիգան ներկայացնող «Սիոնի» կազմում։

Ինչպես հայտնում է ինսայդեր Ֆաբրիցիո Ռոմանոն, 32-ամյա հարձակվողը որոշել է հեռանալ «Ադանա Դեմիրսպորից»` ընդունելով «Սիոնի» առաջարկը։

Աղբյուրի փոխանցմամբ` օգոստոսի 31-ին «Սուպեր Մարիոն» կմեկնի Շվեյցարիա, որտեղ բուժզննում կանցնի և պայմանագիր կկնքի նոր ակումբի հետ։

Ըստ ինսայդեր Նիկոլո Սկիրայի տեղեկությունների էլ` իտալացի հարձակվողը 3 տարվա պայմանագիր է կնքելու «Սիոնի» հետ։

Հավելենք, որ «Սիոնը» դառնալու է Բալոտելիի կարիերայի 10-րդ ակումբը։

Հիշեցնենք, որ 32-ամյա ֆուտբոլիստն «Ադանա Դեմիրսպորի» կազմում հանդես էր գալիս 2021 թ. հուլիսից` անցկացրած 35 խաղում դառնալով 19 գոլի և 7 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023