Մասկերանոն, հնարավոր է, վերադառնա Բարսելոնա և վերսկսի կարիերան

«Բարսելոնան» կենտրոնական պաշտպանի փնտրտուքների մեջ է, քանի որ հիմնական կազմից Ժերար Պիկեն ծանր վնասվածք է ստացել և բացառված չէ, որ իսպանացի պաշտպանն ընթացիկ մրցաշրջանում այլևս խաղադաշտ չի վերադառնա։

Ինչպես տեղեկացնում է El Chiringuito TV-ին, «բլաուգրանասն» իր նախկին պաշտպան Խավիեր Մասկերանոյին առաջարկել է վերադառնալ ակումբ և փոխարինել Պիկեին, սակայն, արգենտինացի պաշտպանը մերժել է այդ առաջարկը։

Հիշեցնենք, որ Խավիեր Մասկերանոն «Բարսելոնայի» գույները պաշտպանել է 2010-18 թվականներին, ինչից հետո տեղափոխվել է չինական «Հեբեյ Չայնա», իսկ 2020 թվականի հունվարից հանդես էր գալիս արգենտինական «Էստուդիանտեսի» կազմում։ Մոտ մեկ շաբաթ առաջ 36-ամյա ֆուտբոլիստը հայտարարեց ֆուտբոլիստի կարիերան ավարտելու մասին։