Մաունթը փայլում է. Չելսին հաղթեց Աստոն Վիլլային🎥

Անգլիական Պրեմիեր լիգայի 11-րդ տուրում «Չելսին» հյուրընկալվելիս մրցեց «Աստոն Վիլլայի» դեմ։

Հանդիպման ընթացքում «ազնվականներն» ավելի լավ իրացրին իրենց գոլային պահերը` հաղթելով 2:0 հաշվով։

Հանդիպման հերոս դարձավ լոնդոնյան ակումբի կիսապաշտպան Մեյսոն Մաունթն` իր անվան դիմաց գրանցելով դուբլ։

Նշենք, որ անգլիացի ֆուտբոլիստն ընթացիկ մրցաշրջանում բոլոր մրցաշարերի շրջանակում խփեց առաջին գոլերը։

«Թոշակառուների» կազմից փայլեց նաև դարպասապահ Կեպա Արիսաբալագան` կատարելով 7 սեյվ։

Հավելենք, որ Գրեհեմ Փոթերի թիմը բոլոր մրցաշարերի շրջանակում տոնեց արդեն 5-րդ անընդմեջ հաղթանակը։

Այս հաղթանակից հետո «Չելսին» վաստակեց 19 միավոր` ամրապնդվելով 4-րդ հորիզոնականում։

«Աստոն Վիլլան», 9 միավորով, 16-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am