Ման Սիթին 11-մետրանոցներով հաղթեց Սևիլիային` դառնալով ՈՒԵՖԱ-ի Սուպերգավաթակիր🎥
Հունաստանի Պիրեյ քաղաքի «Գեորգիոս Կարայիսկակիս» մարզադաշտում կայացավ ՈՒԵՖԱ-ի Սուպերգավաթի 2023 թ. հանդիպումը, որի շրջանակում միմյանց դեմ մրցեցին «Մանչեսթեր Սիթին» ու «Սևիլիան»։
Չնայած հանդիպման մեծ մասում «քաղաքաբնակներն» ունեին խաղային տոտալ առավելություն, չկարողացան կոտրել մրցակցի դիմադրությունը։
Դեռ ավելին` Պեպ Գվարդիոլայի թիմը երկար ժամանակ պարտվողի դերում էր և միայն 63-րդ րոպեին Քոուլ Պալմերի ջանքերով խփեցին պատասխան գոլը։
Անդալուսական ակումբի կազմից էլ 25-րդ րոպեին աչքի ընկավ Յուսեֆ Էն-Նեսիրին։
Հանդիպման հիմնական ժամանակն ավարարտվեց 1:1 հաշվով, ինչից հետո կողմերը հաղթողին պարզելու համար իրացրին հետխաղյա 11-մետրանոց հարվածաշար։
Հարվածաշարի ժամանակ ավելի դիպուկ գտնվեցին մանկունյական ակումբի ֆուտբոլիստները` հաղթելով 5:4 հաշվով։
Այսպիսով, «Մանչեսթեր Սիթին» պատմության ընթացքում առաջին անգամ դարձավ ՈՒԵՖԱ-ի Սուպերգավաթակիր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am