Ման.Սիթին շարունակում է չնկատել մրցակիցներին` ջախջախելով նաև Սաութհեմպտոնին🎥

Անգլիական Պրեմիեր լիգայի 10-րդ տուրում «Մանչեսթեր Սիթին» «Էթիհադ» մարզադաշտում մրցեց «Սաութհեմպտոնի» դեմ։

Պեպ Գվարդիոլայի թիմը հերթական փայլուն հանդիպումն անցկացրեց` «սրբերին» ջախջախելով 4:0 հաշվով։

«Քաղաքաբնակների» կազմից մեկական անգամ աչքի ընկան Ժոաո Կանսելուն, Ֆիլ Ֆոդենը, Ռիյադ Մարեզն ու Էրլինգ Հալանդը։

Նշենք, որ նորվեգացի հարձակվողը Պրեմիեր լիգայի ընթացիկ խաղարկությունում անցկացրած 9 խաղում խփել է արդեն 15 գոլ և գլխավորում է լավագույն ռմբարկուների ցուցակը։

«Մանչեսթեր Սիթին» այս հաղթանակից հետո վաստակեց 23 միավոր, շրջանցեց «Արսենալին»` գլխավորելով ԱՊԼ-ի մրցաշարային աղյուսակը։

«Զինագործներն», որոնք ունեն 21 միավոր, ընթացիկ տուրում դեռևս չեն անցկացրել իրենց հանդիպումը և սեփական հարկի տակ մրցելու են «Լիվերպուլի» դեմ։

«Սաութհեմպտոնը», 7 միավորով, 16-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am