«Ման. Սիթին» շարունակում է խնդիրներ ունենալ` պարտվելով նաև «Բրայթոնին» 🎥

Անգլիայի Պրեմիեր լիգայի երրորդ տուրում «Մանչեսթեր Սիթին» «Ամեքս» ստադիոնում 1:2 հաշվով պարտվեց «Բրայթոնին»։

«Քաղաքաբնակներից» 34-րդ րոպեին հաշիվը բացեց Էրլինգ Հոլանդը։ Տանտերերի պատասխան գոլը 67-րդ րոպեին խփեց Ջեյմս Միլները, իսկ հաղթական գնդակը 89-րդ րոպեին գրանցեց Բրայան Գրուդան։

Մանկունիական գրանդը ներքին առաջնությունում երկրորդ անընդմեջ պարտությունը կրեց։ Պեպ Գվարդիոլայի գլխավորած թիմը նախորդ տուրում էլ սեփական դաշտում 0:2 հաշվով պարտվել էր «Տոտենհեմին»։

«Սիթին» 3 միավորով 12-րդն է, «Բրայթոնը» առաջին հաղթանակը տարավ և 4 միավորով բարձրացավ 10-րդ տեղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am