Ման. Սիթին անհավանական ռեկորդ է սահմանել Անգլիայի բարձրագույն դիվիզիոնում

Անգլիական Պրեմիեր լիգայի 33-րդ տուրից հետաձգված խաղում «Մանչեսթեր Սիթին» հյուրընկալվելիս 5:1 հաշվով ջախջախել է «Վուլվերհեմպտոնին»։

«Քաղաքաբնակները» Պրեմիեր լիգայի վերջին 5 խաղերում մրցակիցներին հաղթել են 3 և ավելի գնդակների տարբերությամբ` ընդհանուր 22:2 հաշվով։

Այդ ընթացքում Պեպ Գվարդիոլայի թիմը, բացի «Վուլվերհեմպտոնից», հաղթել է նաև «Բրայթոնին» (3:0), «Վոթֆորդին» (5:1), «Լիդսին» (4:0) և «Նյուքսասլին» (5:0)։

Ինչպես տեղեկացնում է OptaJoe-ն, Անգլիայի բարձրագույն դիվիզիոնի պատմության մեջ «Մանչեսթեր Սիթին» դարձել է առաջին թիմը, որը 5 անընդմեջ հաղթանակ է տոնել երեք ավելի գնդակների տարբերությամբ։

Հիշեցնենք, որ Անգլիայի բարձրագույն դիվիզիոնը, 1992/93 մրցաշրջանից սկսած, վերաձևափոխվել է և կոչվում է Պրեմիեր լիգա։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am