Մանչեսթեր Սիթին վերջապես ուրախացնում է` հաղթելով Լեսթերին 🎥

Անգլիական Պրեմիեր լիգայի 19-րդ տուրում գործող չեմպիոն «Մանչեսթեր Սիթին» «Քինգ Փաուեր» մարզադաշտում հյուրընկալվելիս մրցե «Լեսթերի» դեմ։

Հիմնականում հավասար պայքարում անցած խաղում` «քաղաքաբնակները» կարողացան ավելի լավ իրացնել գոլային պահերն ու հաղթել 2:0 հաշվով։

Պեպ Գվարդիոլայի գլխավորած թիմից մեկական գոլ խփեցին Սավինիոն ու Էրլինգ Հոլանդը։

Նշենք, որ մանկունյական ակումբը նախորդ 5 պաշտոնական խաղերում հաղթանակ չէր տարել։ «Սիթին» նախորդ անգամ մրցակիցների նկատմամբ առավելության հասել էր դեկտեմբերի 4-ին` Պրեմիեր լիգայի 14-րդ տուրում 3:0 հաշվով առավելության հասնելով «Նոթինգհեմ Ֆորեսթի» նկատմամբ։

«Մանչեսթեր Սիթին» 2025 թ. վերջին խաղում հաղթելու շնորհիվ 31 միավորով բարձրացավ 5-րդ տեղ։ «Լեսթերը» կրեց 4-րդ անընդմեջ պարտությունը և 14 միավորով 18-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից