Մանչեսթեր Սիթին մտածում է Գվարդիոլայի փոխարինողի հարցում

Ըստ Daily mail-ի՝ անգլիական «Մանչեսթեր Սիթիի» ղեկավարությունը սկսել է մտածել գլխավոր մարզիչ Պեպ Գվարդիոլայի փոխարինողի մասին։

Գնալով շատանում են այն խոսակցությունները, որ կատալան մասնագետը մրցաշրջանի ավարտից հետո պատրաստվում է հեռանալ անգլիական ակումբից։ Ակումբի ղեկավարությունը սկսել է դիտարկել «Տոտենհեմի» գլխավոր մարզիչ Մաոուրիսո Պոչետինոյի թեկնածությունը։

Ինչպես տեղեկացնում է The times-ը՝ Գվարդիոլայի պայմանագրում կա մի կետ, ըստ որի, կողմերից յուրաքանչյուրին թույլ է տալիս պայմանագրի ավարտից 12 ամիս առաջ դադարեցնել համագործակցությունը: