Մանեն մտադիր է հեռանալ Լիվերպուլից

Ինչպես տեղեկացնում է ֆրանսիական պարբերական France Football-ը, «Լիվերպուլի» վինգեր Սադիո Մանեն ցանկանում է հեռանալ անգլիական ակումբից և համալրել «Ռեալի» շարքերը, քանի որ շատ է ցանկանում աշխատել «արքայական» ակումբի գլխավոր մարզիչ Զինեդին Զիդանի հետ։

Նշվում է նաև, որ աֆրիկացի հարձակվողը դժգոհ է մնացել նաև իր ներկայիս գլխավոր մարզիչ Յուրգեն Կլոպի գործողություններից, ով «Ոսկե գնդակի» 2019 թվականի մրցանակաբաշխության ժամանակ ակնհայտ աջակցություն հայտնեց «Լիվերպուլի» մեկ այլ ֆուտբոլիստ՝ Վիրջիլ վան Դեյկին։

Չնայած ՊՍԺ-ն նույնպես հետաքրքրված է խաղացողի ծառայություններով, սակայն սենեգալցի ֆուտբոլիստի համար «Ռեալը» առաջնային նպատակն է։