Հոլանդը եվրագավաթային մրցաշարերում խփած գոլերի քանակով շրջանցեց Մբապեին 🎥

Չեմպիոնների լիգայի խմբային փուլի 4-րդ տուրում «Մանչեսթեր Սիթին» սեփական հարկի տակ 3:0 հաշվով հաղթեց «Յանգ Բոյսին»։

«Քաղաքաբնակների» կազմից հանդիպմանը մասնակցեց նաև Էրլինգ Հոլանդը, ով դարձավ դուբլի հեղինակ` մեծապես նպաստելով իր թիմի հաղթանակին։

Նորվեգացի հարձակվողը եվրագավաթային մրցաշարերի շրջանակում խփած գոլերի քանակը հասցրեց 43-ի։

23-ամյա հարձակվողը 39 գոլ խփել է Չեմպիոնների լիգայի, ևս 4 գնդակ` Եվրոպա լիգայի շրջանակում։

Այդ ցուցանիշով Հոլանդը շրջանցել է ՊՍԺ-ի հարձակվող Կիլիան Մբապեին, ում անվան դիմաց կա 42 գնդակ։

Ֆրանսիացի հարձակվողն իր բոլոր գոլերը խփել է Չեմպիոնների լիգայի շրջանակում։

Ընդ որում, Հոլանդն այդ ցուցանիշին հասել է ընդամենը 41 խաղում, իսկ Մբապեն` 66։

Հատկանշական է, որ եվրագավաթային մրցաշարերում խփած գոլերի քանակով նորվեգացի հարձակվողը հավասարվել է ՊՍԺ-ի և «Բարսելոնայի» նախկին հարձակվող Նեյմարին, ով նույնպես խփել է 43 գոլ։

Անհրաժեշտ է ընդգծել նաև, որ Նեյմարը 43 գոլ խփել է Չեմպիոնների լիգայի շրջանակում անցկացրած 81 խաղում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am