Հյ. Մակեդոնիան հերթական սխրանքը գործեց` կրկին չպարտվելով Բելգիային

Աշխարհի 2026թ. առաջնության եվրոպական գոտու ընտրական մրցաշարի J խմբի 6-րդ տուրում Հյուսիսային Մակեդոնիայի ազգային հավաքականը մրցակցի դաշտում մեծ դժվարությամբ ոչ-ոքի (0:0) գրանցեց Բելգիայի հետ։

«Կարմիր սատանաները» հանդիպման մեծ մասում տոտալ առավելություն ունեին, սակայն ոչ մի կերպ չկարողացան հաղթանակ կորզել։

Հանդիպման հերոսը հյուսիսմակեդոնացիների դարպասապահ Ստոլե Դմիտրիևսկին էր` կատարելով 5 սեյվ։

Նշենք, որ կողմերի` Սկոպյեում կայացած առաջին խաղում բելգիացիները ևս չէին կարողացել հաղթել։ Հունիսի 6-ին կողմերը 1:1 հաշիվն էին գրանցել։

J խմբում ևս մեկ հանդիպում է կայացել 6-րդ տուրում.

Ղազախստան 6:0 Լիխտենշտեյն

Խմբի մր աշարային աղյուսակն այժմ հետևյալ տեսքն ունի.

1. Հյ. Մակեդոնիա – 12 միավոր
2. Բելգիա (5 խաղ) – 11
3. Ուելս (5 խաղ) – 10
4. Ղազախստան – 6
5. Լիխտենշտեյն – 0

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am