Հիանալի ֆուտբոլ Նեապոլում. Բարսան ձեռքից բաց թողեց հաղթանակը Նապոլիի դեմ խաղում 🎥

Չեմպիոնների լիգայի 1/8 եզրափակիչի առաջին խաղում «Բարսելոնան» «Դիեգո Արմանդո Մարադոնա» մարզադաշտում մրցեց «Նապոլիի» դեմ։

Չնայած հանդիպման մեծ մասում «բլաուգրանան» ուներ խաղային լուրջ առավելություն, միևնույն է, Խավիի թիմը չկարողացավ կոտրել «աձուրիների» դիմադրությունը. գրանցվեց 1:1 հաշիվը։

Հյուրերի կազմից 60-րդ րոպեին աչքի ընկավ Ռոբերտ Լևանդովսկին, իսկ «աձուրիներին» պարտությունից փրկեց 75-րդ րոպեին Վիկտոր Օսիմենի խփած գոլը։

Նշենք, որ դիմակայության պատասխան հանդիպումը կկայանա մարտի 12-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am