Հարոյանի վիճակագրությունը Սելտայի դեմ խաղում

Իսպանական Լա լիգայի 5-րդ տուրի մեկնարկային խաղում «Կադիսը» հյուրընկալվելիս 2:1 հաշվով հաղթեց «Սելտային»։

«Կադիսի» կազմում ողջ հանդիպմանը մասնակցեց նաև Վարազդատ Հարոյանը։

Ստորև ներկայացնում ենք 29-ամյա կենտրոնական պաշտպանի` «Սելտայի» դեմ հանդիպման գրանցած վիճակագրությունը։

Այսպես, Հարոյանը հեղինակավոր Whoscored կայքի կողմից ստացել է 6.42 գնահատականը։ Այդ խաղում Վատոն կատարել է 12 փոխանցում` 33.3 % ճշգրտությամբ, 7 երկար փոխանցում, որոնցից 3-ը հասել են հասցեատիրոջը։

Հարոյանն 9 անգամ գնդակը հեռացրել է սեփական տուգանային հրապարակից, մեկական անգամ կասեցրել է մրցակցի գրոհն ու փակել հարվածը, 5 անգամ օդային մենապայքարի մեջ է մտել, որենցից 2-ն ավարտել է հաղթանակով, 1 անգամ էլ նրան շրջանցեն դրիբլինգի շնորհիվ։

Հավելենք, թր «Կադիսն» իր հաջորդ հանդիպումը կանցկացնի սեպտեմբերի 24-ին և Լա լիգայի 6-րդ տուրի շրջանակում սեփական հարկի տակ կմրցի «Բարսելոնայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am