Հայտնի է Լա լիգայի վերսկսման օրը

Ինչպես տեղեկացնում է իսպանացի լրագրող Գիլեմ Բալագեն՝ հղում կատարելով El Partidazo de COPE-ին, իսպանական Լա լիգան եռամսյա դադարից հետո կվերսկսվի հունիսի 19-ին։ Նախնական տվյալներով սպասվում էր, որ առաջնությունը պետք է վերսկվի ամսի 12-ին, սակայն կարծես թե օրը փոխվել է։

El Partidazo de COPE ռադիոկայանի փոխանցմամբ՝ իսպանական Լա լիգայի վերսկսումը նշանավորվելու է անդալաուսական դերբիով՝ «Սևիլիա» – «Բետիս» խաղով։ Սպասվում է, որ պաշտոնապես Լա լիգան առաջնության վերսկսման մասին կհայտարարի մայիսի 28-ին՝ ակումբներին ուղարկելով ծանուցում։

Բալագեն Twitter-յան իր օգտահաշվում գրառում էր կատարել, որ առաջնության մեկնարկը նախատեսված է հունիսի 12-ին, սակայն այսօր նա կատարել է հետևյալ գրառումը․

«Կարծում էինք, որ այդ օրը հունիսի 12-ն է, սակայն կարծես այն հունիսի 19-ն է։ Առաջնությունը կվերսկսվի «Սևիլիա» – «Բետիս» խաղով»։