Հայտնի է դարձել, թե որ համարի խաղաշապիկով հանդես կգա Բրունու Ֆերնանդեշը

«Մանչեսթեր Յունայթեդի» պորտուգալացի նորեկ Բրունու Ֆերնանդեշը կողմնորոշվել է խաղահամարի հարցում։ 25-ամյա խաղացողը նոր ակումբի կազմում հանդես կգա 18 համարի մարզաշապիկով։

Ավելի վաղ հայտնի էր դարձել, որ Ֆերնանդեշը «կարմիր սատանաների» կազմում կվաստակի 6 մլն եվրո, իսկ համաձայնագիրը նախատեսված է 5․5 տարվա համար։ Հիշեցնենք, որ «Մանչեսթեր Յունայթեդը» խաղացողի տրանսֆերի համար «Սպորտինգին» վճարել է 55 մլն եվրո, որին ևս 25 մլն եվրո կավելանա հետագայում։