Հայտնի է Բունդեսլիգայի վերսկսման օրը
07/05/2020 - 16:34
Բունդեսլիգան կվերսկսվի մայիսի 16-ին։ Այդ մասին տեղեկացնում է Bild պարբերական ֆուտբոլային բաժնի պատասխանատու Քրիստիան Ֆալկը։ Ֆալկը Twitter-ի իր օգտահաշվում կատարել է հետևյալ գրառումը․
«Նոր որոշում․ մայիսի 15-ին՝ ուրբաթ, հանդիպումներ տեղի չեն ունենա։ Բունդեսլիգան կվերսկսվի մայիսի 16-ին՝ շաբաթ օրը»,- գրել է Ֆալկը։
Ավելի ուշ այդ տեղեկատվությունը DW Sport-ին տված հարցազրույցի ժամանակ հաստատել է նաև Բունդեսլիգայի գլխավոր տնօրեն Քրիստիան Զայֆերտը։
Նշենք, որ վերսկսումից հետո տուրի կենրտոնական հանդիպումը կկայանա մայիսի 16-ին․ միմյանց դեմ դուրս կգան «Բորուսիա Դորտմունդը» և «Շալկե-04»-ը։
Ավելի վաղ արդեն հայտնել էինք, որ Գերմանիայի կառավարությունը թույլատրել է առաջնությունը վերսկսել․ հանդիպումներն անցկացվելու են փակ դռների հետևում։