Հայկական ակումբը հաստատել է Դրոգբայի որդու տրանսֆերը 🎥
«Չելսիի», «Մարսելի» ու մի շարք այլ ակումբների, Կոտ դ’Իվուարի ազգային հավաքականի լեգենդար, նախկին հարձակվող Դիդիե Դրոգբայի որդին` Այզեկ Դրոգբան տեղափոխվել է Հայաստանի Առաջին խմբում հանդես եկող «Հայք», հայտնում է ակումբի մամուլի ծառայությունը։
Կողմերը պայմանագիր են ստորագրել, որի մանրամասները չեն հաղորդվում։
Transfermarkt-ի տվյալներով` Ֆրանսիայի քաղաքացիություն ունեցող ֆուտբոլիստը 2024թ. հուլիսի 1-ից ազատ գործակալի կարգավիճակում էր։
Դրոգբան «Չելսիի» մարզադպրոցի սան է։ Նախկինում նա հանդես է եկել նաև ֆրանսիական «Գենգամում», իտալական «Կարատեզեում», պորտուգալական «Ակադեմիկայում» և բելգիական «Յունիոն Ռոյալ լա Լուվիեր Սանտրում»։
«Հայքը» Հայաստանի Առաջին խմբի աշնանային հատվածում անցկացրած 18 խաղում 37 միավոր է վաստակել ու 5-րդ տեղում է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Այզեկ Դրոգբա, Առաջին խումբ, Դիդիե Դրոգբա, Կոտ դ'Իվուարի հավաքական, Հայք, Չելսի, տրանսֆերներ