Հայաստանի Մ-19 տարեկանների հավաքականը հիասքանչ comeback-ով հաղթեց Շոտլանդիային

Հայաստանի Մ-19 տարեկանների հավաքականը հիասքանչ comeback-ով հաղթեց Շոտլանդիային

10/11/2021 - 15:55

Հայաստանի Մ-19 տարեկանների հավաքականը պայքարն սկսեց Եվրո-2022-ի որակավորման փուլի շրջանակում։

Հայաստանի Մ-19 տարեկանների հավաքականը Խորվաթիայի Լուչկո քաղաքում ընտրական փուլի 1-ին տուրում 11-րդ խմբի շրջանակում մրցեց Շոտլանդիայի իրենց տարեկիցների դեմ։

Մեր ընտրանին առաջին խաղակեսից հետո պարտվում էր 0:2 հաշվով, սակայն Վարազդատ Ավետիսյանի սաները երկրորդ կեսում ուշքի եկան ու կարողացան բեկել հանդիպման ընթացքը` 62-71-րդ րոպեների ընթացքում մրցակցի դարպասն ուղարկելով երեք գնդակ։

Հայաստանի Մ-19 տարեկանների գոլերը խփեցին Սպարտակ Հայրապետյանը, Համլետ Մինասյանը և Արթուր Սերոբյանը, իսկ մրցակցի կազմից աչքի ընկան Ադամ Բրուքսը և Լիեմ Սմիթը։

Այսպիսով, Հայաստանի Մ-19 հավաքականը հիասքանչ comeback արեց և հաղթեց 3:2 հաշվով։

Այս խմբում կայացել է ևս մեկ հանդիպում.

Խորվաթիա Մ-19 4:0 Ջիբրալթար Մ-19

Հավելենք, որ յուրաքանչյուր խմբից հաջորդ փուլ են դուրս գալիս լավագույն երկու հավաքականները։

Նշենք, որ Վարազդատ Ավետիսյանի սաները նոյեմբերի 13-ին կմրցեն Խորվաթիայի, իսկ ամսի 16-ին` Ջիբրալթարի Մ-19 տարեկանների հավաքականների դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023