Հայաստանի հավաքականի հերթական ֆիասկոն! Ֆարերները 3 միավորով են հեռանում Երևանից 🎥
Ազգերի լիգայի խաղարկության C դիվիզիոնի չորրորդ խմբի 5-րդ տուրում Հայաստանի ազգային հավաքականը Երևանի Վազգեն Սարգսյանի անվան «Հանրապետական» մարզադաշտում մրցեց Ֆարերյան կղզիների դեմ։
Ցավոք, Հայաստանի հավաքականը հերթական ձախողած հանդիպումն անցկացրեց` պարտվելով 0:1 հաշվով։
Հանդիպման միակ գոլը 33-րդ րոպեին 11-մետրանոցից խփեց Վիլյորմուր Դավդիսենը։
Նշենք, որ հանդիպման ամբողջ ընթացքում Սուրեն Չախալյանի գլխավորած Հայաստանի հավաքականն ուներ խաղային լուրջ առավելություն, ստեղծեց բազում իրական գոլային պահեր, սակայն չհաջողվեց փրկել հանդիպումը։
Հանդիպման հերոսը, անկասկած, ֆարենրեի դարպասապահ Թեյթուր Գեսթսոնն էր, որը կատարեց 9 սեյվ։
Այսպսիով, Հայաստանի հավաքականը պարտությունից հետո C դիվիզիոնի չորրորդ խմբում նահանջեց 3-րդ տեղ, ունի 4 միավոր, իսկ Ֆարերյան կղզիների թիմը միավորների քանակը հասցրեղ 6-ի, բարձրացավ երկրորդ տեղ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից