Կրեմոնեզեն 26 տարի անց վերադարձավ Ա սերիա

Կրեմոնեզեն 26 տարի անց վերադարձավ Ա սերիա

07/05/2022 - 00:58

Ավարտվեց Բ սերիայի 2021/22 խաղարկության հիմնական հատվածը, որի վերջին` 38-րդ տուրում առաջատարների թվում ընթացող «Կրեմոնեզեն» հյուրընկալվելիս մրցեց «Կոմոյի» դեմ։

Վերջին տուրից առաջ Կրեմոնա քաղաքը ներկայացնող ակումբը զբաղեցնում էր 3-րդ հորիզոնականը և 1 միավորով զիջում էր 2-րդ հորիզոնականը զբաղեցնող «Մոնցային»։

Այդուհանդերձ, վերջին տուրում «Կրեմոնեզեն», Սամուել Դի Կարմինեի դուբլի շնորհիվ, 2:1 հաշվով հաղթեց «Կոմոյին», իսկ «Մոնցան» հյուրընկալվելիս 0:1 հաշվով զիջեց «Պերուջային»։

Այդ հաղթանակի շնորհիվ` Ֆաբիո Պեկիայի թիմը վաստակեց 69 միավոր, մրցաշարային աղյուսակում շրջանցեց «Մոնցային» ու բարձրացավ 2-րդ հորիզոնական` 26 տարի անց վերադառնալով Ա սերիա։

«Կրեմոնեզեն» վերջին անգամ Ա սերիային մասնակցել էր 1995/96 մրցաշրջանում։

Նշենք, որ «Մոնցան» մնաց 67 միավորով և, ի վերջո, զբաղեցրեց 4-րդ հորիզոնականը ու ևս 5 ակումբների հետ կմասնակցի յուրահատուկ փլեյ-օֆֆ-ի` պարզելու Ա սերիայի ուղեգիր նվաճող վերջին հաջողակին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023