Կոպա Ամերիկա. Լաուտարոյի բենեֆիսը. Արգենտինան հաղթեց նաև Պերուին🎥
Ամերիկայի գավաթի խաղարկության A խմբի երրորդ տուրում Արգենտինայի հավաքականը Մայամիի Գարդենսի «Հարդ Ռոք» մարզադաշտում մրցեց Պերուի թիմի դեմ։
Գոլազուրկ առաջին կեսից հետո երկրորդ 45 րոպեների ընթացքում «ալբիսլեստեն» մեծացրեց ճնշումը` հաղթելով 2:0 հաշվով։
Հանդիպման հերոս դարձավ Միլանի «Ինտերի» հարձակվող Լաուտարո Մարտինեսը, որը դարձավ դուբլի հեղինակ։
Նշենք, որ Մարտինեսը մրցաշարում խփել է արդեն 4 գոլ ու գլխավորում է լավագույն ռմբարկուների ցուցակը։
72-րդ րոպեին 11-մետրանոցից վրիպեց արգենտինացիների կիսապաշտպան Լեանդոր Պարեդեսը։ 30-ամյա ֆուտբոլիստի հարվածից հետո գնդակը դիպավ դարպասաձողին։
A խմբի երրորդ տուրում կայացել է ևս մեկ հանդիպում.
Չիլի 0:0 Կանադա
Խմբի մրցաշարային աղյուսակը վերջնական ստացավ հետևյալ տեսքը.
- Արգենտինա – 9 միավոր
- Կանադա – 4
- Չիլի – 2
- Պերու – 1
Այսպիսով, A խմբից Կոպա Ամերիկայի քառորդ եզրափակիչ դուրս եկան Արգենտինայի ու Կանադայի հավաքականները։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am