Կոպա Ամերիկա. Բրազիլիան վերջապես փայլում է` խոշոր հաշվով հաղթելով Պարագվային🎥
29/06/2024 - 09:17
Ամերիկայի գավաթի խաղարկության D խմբի երկրորդ տուրում Բրազիլիայի հավաքականը Փարադայսի «Էլիջենթ» մարզադաշտում մրցեց Պարագվայի թիմի դեմ։
«Պենտակամպիոններն» արդեն առաջին խաղակեսում վճռեցին հանդիպման ելքը` մրցակցի դարպասն ուղարկելով երեք գնդակ։
Երկրորդ կեսում էլ կողմերը փոխանակվեցին մեկական գոլով և ձևակերպեցին վերջնական հաշիվը` 4:1։
Դորիվալ Ժունիորի գլխավորած հավաքականից դուբլի հեղինակ դարձավ Վինիսիուսը, մեկական գոլ էլ խփեցին Սավինիոն ու Լուկաս Պակետան։ Պարագվայցիներից աչքի ընկավ Օմար Ալդերետեն։
D խմբում կայացել է ևս մեկ խաղ.
Կոլումբիա 3:0 Կոստա Ռիկա
Խումբի մրցաշարային աղյուսակը երկրորդ տուրից հետո ունի հետևյալ տեսքը.
- Կոլումբիա – 6 միավոր
- Բրազիլիա – 4
- Կոստա Ռիկա – 1
- Պարագվայ – 0
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am