Կոլո-Մուանին հայտնվել է մի շարք գրանդ ակումբների ուշադրության կենտրոնում

«Այնտրախտի» հարձակվող Ռանդալ Կոլո-Մուանիի ծառայություններով հետաքրքրված են մի շարք գրանդ ակումբներ։

Ինչպես հայտնում է RMC-ին, ֆրանսիացի ֆուտբոլիստը հայտնվել է «Չելսիի» ուշադրության կենտրոնում։

24-ամյա հարձակվողի խաղին հետևում է նաև «Մանչեսթեր Յունայթեդը»։

Հաղորդվում է, որ «Բավարիան» Կոլո-Մուանիին դիտարկում է որպես «Տոտենհեմի» հարձակվող Հարի Քեյնի այլընտրանքային տարբերակ։

«Ռեկորդ մայսթերը» Կոլո-Մուանիին կփորձի ձեռք բերել, եթե չկարողանա կատարել Քեյնի տրանսֆերը։

Հատկանշական է, որ «Տոտենհեմն» էլ ֆրանսիացի գոլահարին դիտարկում է որպես Հարի Քեյնի փոխարինող։

Ավելի վաղ կային տեղեկություններ, որ «Այնտրախտը» Կոլո-Մուանիի վաճառքից ցանկանում է վաստակել 60 մլն եվրո։

Հավելենք, որ 24-ամյա ֆուտբոլիստն «արծիվների» կազմում հանդես է գալիս 2022 թ. հուլիսից` անցկացրած 46 խաղում դառնալով 23 գոլի և 17 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am