ԿԼ. «Նոան» դրամատիկ հաղթանակ կորզեց «Լեգիայից» 🎥

Կոնֆերենցիաների լիգայի Լիգայի փուլի 5-րդ տուրում «Նոան» Երևանի Վազգեն Սարգսյանի անվան «Հանրապետական» ստադիոնում 2:1 հաշվով հաղթեց Լեհաստանի գավաթակիր «Լեգիային»։

Հյուրերը 3-րդ րոպեին, օգտվելով «Նոայի» ավագ Գոնսալու Սիլվայի կոպտագույն սխալից, Միլետա Ռայովիչի ջանքերով շատ արագ բացեցին հաշիվը։

Երկրորդ խաղակեսը Հայաստանի չեմպիոնը տպավորիչ անցկացրեց` ոչ միայն հավասարեցնելով հաշիվը, այլ կորզելով հաղթանակ։

Սանդրո Պերիովիչի գլխագորած թիմից 57-րդ րոպեին դարպասի գրավմամբ աչքի ընկավ Մաթեուս Այասը, իսկ 84-ին` Նարդին Մուլահուսեյնովիչը։

«Լեգիայից» հանդիպմանը մասնակցեց Հայաստանի ազգային հավաքականի կիսապաշտպան Վահան Բիչախչյանը` փոխարինման մտնելով 82-րդ րոպեին։

«Նոան» վաստակեց 8 միավոր` բարձրանալով 13-րդ տեղ։ Հայկական ակումբը գործնականում ապահովեց տեղը փլեյ-օֆֆ-ում։

«Նոան» Լիգայի փուլում վերջին հանդիպումը կանցկացնի դեկտեմբերի 18-ին` Լեհաստանում մրցելով Կիևի «Դինամոյի» դեմ։

«Լեգիան» 3 միավորով 31-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml