ԿԼ. Նոայի և Ուրարտուի հաջորդ հավանական մրցակիցները որակավորման երկրորդ փուլում

ՈՒԵՖԱ-ի շտաբ-բնակարանում կայացավ Կոնֆերենցիաների լիգայի որակավորման երկրորդ փուլի վիճակահանությունը։

Մրցաշարի որակավորման առաջին փուլում Հայաստանի փոխչեմպիոն «Նոան» հյուսիսմակեդոնական «Շկենդիայի» արգելքը հաղթահարելու դեպքում հաջորդ փուլում մրցելու է «Սլիմա Ուոնդերերսի» (Մալթա) դեմ։

Հայաստանի առաջնությունում չորրորդ տեղը գրաված «Ուրարտուն» էստոնական «Կալևին» պայքարից դուրս թողնելուց հետո հանդիպելու է Օստրավայի «Բանիկին» (Չեխիա)։

Հիշեցնենք, որ Կոնֆերենցիաների լիգայի որակավորման առաջին փուլի հանդիպումները կայանալու են հուլիսի 11-ին, պատասխան խաղերը` հուլիսի 18-ին։

Որակավորման երկրորդ փուլի առաջին խաղերը կկայանան հուլիսի 25-ին, պատասխան խաղերը` օգոստոսի 1-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am