ԿԼ. Հայտնի դարձավ Ալաշկերտ – Համրուն Սպարտանս դիմակայության հաղթողի հաջորդ մրցակիցը

Շվեյցարիայի Նիոն քաղաքում` ՈՒԵՖԱ-ի շտաբ-բնակարանում, կայացավ Կոնֆերենցիաների լիգայի 2022/23 խաղարկության որակավորման երկրորդ փուլի վիճակահանությունը։

Ինչպես արդեն հայտնել ենք, որակավորման առաջին փուլից պայքարը կսկսի նաև «Ալաշկերտը», որը մրցելու է Մալթան ներկայացնող «Համրուն Սպարտանսի» դեմ։

Վիճակահանության արդյունքում պարզ դարձավ, որ «Ալաշկերտ» – «Համրուն Սպարտանս» զույգի հաղթողը կմրցի «Վելեժի» (Բոսնիա և Հերցեգովինա) դեմ։

Նշենք, որ «Ալաշկերտ» – «Համրուն Սպարտանս» դիմակայության առաջին հանդիպումը կկայանա հուլիսի 7-ին` Երևանում, իսկ պատասխան խաղը` հուլիսի 14-ին` Մալթայում։

Հավելենք, որ Կոնֆերենցիաների լիգայի որակավորման երկրորդ փուլի առաջին հանդիպումները կկայանան հուլիսի 21-ին, իսկ պատասխան խաղերը` հուլիսի 28-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am