ԿԼ. «Լեգիան» թրիլերային պայքարում նվաճեց Լիգայի փուլի ուղեգիր 🎥

Կոնֆերենցիաների լիգայի որակավորման փլեյ-օֆֆ-ի պատասխան խաղում «Լեգիան» սեփական դաշտում թրիլերային պայքարում լրացուցիչ ժամանակում ոչ-ոքի (3:3) գրանցեց շոտլանդական «Հիբերնիանի» դեմ։

Առաջին խաղակեսից հետո լեհական ակումբը 13-րդ րոպեին Հայաստանի ազգային հավաքականի կիսապաշտպան Վահան Բիչախչյանի գոլի շնորհիվ հաղթում էր 1:0 հաշվով։

Այդուհանդերձ, երկրորդ խաղակեսում հյուրերն անսպասելի սկսեցին բեկել դիմակայության ընթացքը և ընդամենը 11 րոպեում երեք գնդակ ուղարկեցին Վարշավան ներկայացնող ակումբի դարպասը։

50-61-րդ րոպեների ընթացքում մեկական գոլ խփեցն Ռոքի Բուշիրին, Մարտին Բոյլն ու Միգել Չայիվան։

Թվում էր, թե «Հիբերնիանն» անակնկալ հաղթանակ կտանի, բայց 90+3-րդ րոպեին «Լեգիան» Յուրգեն Էլիտիմի գոլի շնորհիվ խաղում կրճատեց, իսկ դիմակայությունում հավասարեցրեց հաշիվը։

Հանդիպման հիմանական ժամանակում շոտլանդական ակումբը հաղթեց 3:2 հաշվով։ Քանի որ առաջին խաղում «Լեգիան» հյուրընկալվելիս հաղթել էր 2:1 հաշվով, դիմակայությունը շարունակվեց լրացուցիչ ժամանակում։

98-րդ րոպեին «բանակայինները» Միլետա Ռայովիչի ջանքերով ևս մեկ գոլ խփեցին` դնելով հանդիպման վերջակետը։

Այսպիսով, «Լեգիան» դիմակայությունում հաղթեց 5:4 հաշվով` նվաճելով Կոնֆերենցիաների լիգայի Լիգայի փուլի ուղեգիր։

Հավելենք, որ Վահան Բիչախչյանը փոխարինվեց 79-րդ րոպեին։

Հանդիպման գոլերը` քիչ անց

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am