ԿԼ. Արարատ-Արմենիան հաղթեց նաև պատասխան խաղում և շարունակում է պայքարը 🎥

Կոնֆերենցիաների լիգայի որակավորման երկրորդ փուլի պատասխան խաղում Հայաստանի գավաթակիր «Արարատ-Արմենիան» Երևանում մրցեց մոլդովական «Զիմբրուի» դեմ։

Հիշեցնենք, որ դիմակայության առաջին խաղում Վարդան Մինասյանի թիմը վստահ հաղթանակ էր տարել 3:0 հաշվով։

Պատասխան խաղում «Արարատ-Արմենիան» առավելության հասավ այս անգամ 3:1 հաշվով։

Երևանյան ակումբից գոլերը խփեցին Տենտոն Յենեն, Արթուր Սերոբյանը, Ջոնաթան Դուարտեն, իսկ մրցակցից աչքի ընկավ Ջասթիս Օհաջունվան։

Այսպիսով, հայկական ակումբն ընդհանուր դիմակայությունում հաղթեց 6:1 հաշվով և պայքարը շարունակում է Կոնֆերենցիաների լիգայի որակավորման երրորդ փուլում, որտեղ մրցելու է հունգարական «Պուշկաշ Ակադեմիայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am