Կայացել է Globe Soccer Awards մրցանակաբաշխությունը

30/12/2019 - 15:12

Երեկ՝ դեկտեմբերի 29-ին, Դուբայում կայացել է Globe Soccer Awards մրցանակաբաշխությունը, որտեղ հանձնվել են մի շարք մրցանականեր։

Տարվա լավագույն ֆուտբոլիստ է ճանաչվել Պորտուգալիայի հավաքականի և Թուրինի «Յուվենտուսի» հարձակվող Կրիշտիանու Ռոնալդուն։

https://twitter.com/Globe_Soccer/status/1211344421083586562?ref_src=twsrc%5Etfw%7Ctwcamp%5Etweetembed%7Ctwterm%5E1211344421083586562&ref_url=https%3A%2F%2Farmsport.am%2F2019%2F12%2F30%2Fglobe-soccer-awards-%25d5%25af%25d6%2580%25d5%25ab%25d5%25b7%25d5%25bf%25d5%25ab%25d5%25a1%25d5%25b6%25d5%25b8%25d6%2582-%25d5%25bc%25d5%25b8%25d5%25b6%25d5%25a1%25d5%25ac%25d5%25a4%25d5%25b8%25d6%2582%25d5%25b6-2019%25d5%25a9-%25d5%25ab-%25d5%25ac%25d5%25a1%25d5%25be%25d5%25a1%25d5%25a3%25d5%25b8%25d6%2582%2F

2019 թվականի լավագույն մարզիչ է ճանաչվել «Լիվերպուլի» գլխավոր մարզիչ Յուրգեն Կլոպը։

«Լիվերպուլը» ճանաչվել է տարվա լավագույն ֆուտբոլային ակումբ, իսկ «Այաքսի» և «Բենֆիկայի» ֆուտբոլային ակադեմիաները՝ որպես լավագույն ակադեմիաներ։ Հիշեցնենք, որ 2019 թվականին մերսիսայդյան ակումբը դարձել էր Չեմպիոնների լիգայի, ինչպես նաև աշխարհի ակումբային չեմպիոն։

Տարվա լավագույն երիտասարդ ֆուտբոլիստ է ճանաչվել Մադրիդի «Ատլետիկոյի» և Պորտուգալիայի հավաքականի հարձակվողական ոճի կիսապաշտպան Ժոաո Ֆելիշը, իսկ լավագույն արաբ ֆուտբոլիստ՝ Դորտմունդի «Բորուսիայի» եզրային պաշտպան Աշրաֆ Հակիմին։

Տարվա լավագույն դարպասապհ անվանակարգում հաղթող է ճանաչվել Բրազիլիայի հավաքականի և «Լիվերպուլի» դարպասապահ Ալիսոն Բեկերը, ով անցնող տարում Լիվերպուլի հետ դարձել է Չեմպիոնների լիգայի և աշխարհի ակումբային առաջնության գավաթակիր, իսկ Բրազիլիայի հավաքականի կազմում՝ Կոպա Ամերիկայի հաղթող։

Իսկ լավագույն կին ֆուտբոլիստ է ճանաչվել ֆրանսիական «Լիոնի» աջ պաշտպան Լյուսի Բրոնզեն, որ ֆրանսիական ակումբի հետ դարձել է Չեմպիոնների լիգայի հաղթող։

# Globe Soccer Awards